ब्राजिलमा अलपत्र नेपालीको खोजी सुरु

'अलपत्र परेकाहरू कोही पनि दूतावासको सम्पर्कमा आएका छैन', सुरेन्द्र पौडेल, काठमाडौं, भदौ ५ - ब्राजिलस्थित नेपाली दूतावासले ल्याटिन अमेरिकी मुलुकमा अलपत्र परेका नेपालीको खोजी सुरु गरेको छ। उनीहरू कहाँ र कस्तो अवस्थामा छन् भन्ने बुझ्न सुरु गरेको ब्राजिलका लागि नेपाली राजदूत प्रद्युम्नविक्रम शाहले बताए।

'अलपत्र परेकाको खोजी भइरहेको छ,' राजदूत शाहले नागरिकसँग टेलिफोनमा भने, 'उनीहरू दूतावासको सम्पर्कमा आउन चाहेका छैनन्।' ब्राजिलमा अलपत्र पर्नेमध्ये एकजनाले मात्र भए पनि दूतावास आएर निवेदन दिए उद्धार गर्न सहज हुने उनले बताए। हालसम्म कोही पनि दूतावास नआएको र दूतावासले सम्पर्क गर्न खोज्दा पनि उनीहरूले बेवास्ता गर्ने गरेको उनको भनाइ छ।

राजदूत शाहका अनुसार अलपत्र परेकामध्ये सातजनाको टेलिफोन नम्बर पत्ता लगाई सम्पर्क गर्न खोज्दा उनीहरूले फोन नै काटिदिने गरेका छन्। अलपत्र पर्नेहरू विभिन्न ठाउँमा छरिएर रहेकाले उनीहरूसम्म पुग्न अप्ठेरो परेको उनले जनाए।

'उनीहरूलाई कसले के भनेको छ कुन्नि, हामीले फोन गर्दा फोनै काटिदिन्छन्,' राजदूत शाहले भने, 'अझै अमेरिका जान पाइन्छ कि भन्ने आस भएर हो कि, ठूलो रकम फसाएर घर फर्किदा घर-परिवारले केही भन्लान् भन्ने डरले हो, उनीहरू आफ्नो वास्तविक परिचय दिन पनि मान्दैनन्।'

दूतावासले खोजी गर्दा अलपत्र परेकाहरुमध्ये केही वृद्धाश्रम र केही चर्चमा बसेको पाइएको शाहले बताए। उनीहरूले त्यहाँ आफूलाई भुटानी शरणार्थी भनेर चिनाउने गरेका छन्। भुटानी शरणार्थीले ब्राजिलमा परिचय पाइसकेकाले बसाइ सहज हुन्छ भनेर उनीहरूले आफूलाई भुटानी बताउने गरेको शाहको बुझाइ छ।

'विभिन्न माध्यमबाट खोजी गर्दा केही चर्चमा भेटिएका छन्। उनीहरूले आफ्नो वास्तविक परिचय लुकाई भुटानी शरणार्थी बनेर बसेको पाएका छौं,' राजदूत शाहले भने, 'उनीहरूले आफूलाई भुटानी शरणार्थी हौ भनेपछि तिमीहरू नेपाली हौ भनेर उद्धार गर्न मिल्दैन।'

अलपत्र परेकालाई अप्ठेरो परे दूतावासमा आएर निवेदन दिन आग्रह गरिएको उनले बताए। कसैले आधिकारिक निवेदन नदिएसम्म उद्धार गर्न नमिल्ने शाहको भनाइ छ। एजेन्टहरूले अझै अमेरिका पुर्याथइदिने आश्वासन दिएकाले उनीहरूले आफ्नो परिचय लुकाएको हुनसक्ने उनको भनाइ छ। 'कोही फर्कनै चाहँदैनन्,' राजदूत शाहले जानकारी दिए, 'परिचय लुकाए पनि साह्रै अप्ठेरो परेका केहीलाई व्यक्तिगत तवरमा रकम उठाएर दिएका छौं।'

बोलिभियामा नेपालीलाई अन अराइएभल भिसा दिने भएकाले एजेन्टहरूले नेपालीलाई ब्राजिलबाट बोलिभिया छिराउने गरेको बुझाइ शाहको छ। बोलेभियामा अलपत्र परेकाको पनि औपचारिक/अनौपचारिक च्यानलबाट वास्तविकता बुझ्ने काम भइरहेको उनले जनाए। कोस्टारिकामा पक्राउ परेका सातजना नेपालीका बारेमा पनि दूतावासले बुझिरहेको उनले बताए।

राष्ट्रिय तथा अन्तर्राष्ट्रिय मानव तस्करको प्रलोभनमा परी अमेरिका जान हिँडेका एक हजारभन्दा बढी नेपाली ल्याटिन अमेरिकाका विभिन्न देशमा अलपत्र परेका छन्। मोटो रकम लिई अमेरिका छिराइदिने भन्दै उनीहरूलाई तस्करले ब्राजिल, चिली, बोलिभिया, इक्वेडर, कोस्टारिका लगायत ल्याटिन अमेरिकी मुलुकमा अलपत्र पारेका हुन्। तस्करहरूले ब्राजिलबाट विभिन्न देश हुँदै मेक्सिकोबाट अमेरिका प्रवेश गराउने भनी प्रति व्यक्ति २२ लाख रुपैयाँसम्म लिने गरेको अलपत्र परेकाहरूले बताउँदै आएका छन्।

By: nagariknews

जिपको ठक्करबाट मोटरसाइकल चालकको मृत्यु

चितवन (रत्ननगर), भदौ ५ - चितवनको भण्डारास्थित पूर्वपश्चिम राजमार्गमा गएराति भएको सवारी दुर्घटनामा परी एकजनाको मृत्यु भएको छ।

नारायणगढबाट हेटौँडातर्फ गइरहेको ना२च ३५०७ नम्बरको जिप र विपरीत दिशाबाट आइरहेको बा४४प ६७४० नम्बरको मोटरसाइकल एक आपसमा ठक्कर खाँदा मोटरसाइकल चालक रत्ननगर- ८ निपानीचोक निवासी ३५ वर्षीय रामचन्द्र पौडेलको मृत्यु भएको हो।

जिप चालक फरार रहेकाले निजको खोजी कार्य भइरहेको प्रहरीले जनाएको छ। जिप भने प्रहरीले नियन्त्रणमा लिइएको छ। रासस

By: nagariknews

फेसबुकमा एमालेको आलोचना गर्ने डिएसपीको सरुवा

काठमाडौं, भदौ ५ (नागरिक)- सरकारविरुद्ध आन्दोलनका क्रममा युवा संघ कार्यकर्ताले प्रहरीमाथि गरेको ज्यादतीको सोसल मिडियाबाट कडा टिप्पणी गर्ने डिएसपी दीपशमसेर राणालाई प्रहरी प्रधान कार्यालयले सरुवा गरेको छ। 

दुई साताअघि संघका अध्यक्ष महेश बस्नेतले महानगरीय प्रहरी मुख्य घटना सहायता कार्यदलका एक सिपाहीमाथि जलिरहेको मसालले आक्रमण गरेको घटनाको राणाले फेसबुकबाट टिप्पणी गरेका थिए। उनले फेसबुकमा उक्त कामको आलोचना गर्दै बस्नेतलाई संरक्षण दिएको भन्दै उनको माउ पार्टी एमालेको समेत आलोचना गरेका थिए।

स्रोतका अनुसार राणाको फेसबुक स्टाटसलगत्तै एमालेका उच्च नेताले प्रहरीका माथिल्ला अधिकारीलाई राणा सरुवा गर्न दबाब दिएका थिए। बस्नेतले प्रहरीमाथि गरेको दुर्व्यवहारप्रति प्रहरीका उच्च अधिकृतसमेत असन्तुष्ट भए पनि एमाले नेताहरूको निरन्तर दबाबपछि प्रहरी महानिरीक्षक रवीन्द्रप्रताप शाहले राणालाई कार्यदलबाट प्रधान कार्यालयको ट्राफिक निर्देशनालयमा सरुवा गरेका छन्। राणाको ठाउँमा केन्द्रीय अनुसन्धान ब्युरोका डिएसपी भूपेन्द्र खत्रीलाई ल्याइएको छ।

महानगरीय प्रहरी वृत्त, महाराजगन्जका डिएसपी जगदीश पोखरेललाई आइतबार काजसरुवा गरी ब्युरोमा ल्याइएको छ। ब्युरोका डिएसपी ओम अधिकारीलाई जिल्ला प्रहरी कार्यालय, दोलखा र डिएसपी जीवन श्रेष्ठलाई महानगरीय प्रहरी वृत्त, महाराजगन्ज लगिएको छ। दोलखाका डिएसपी उमेशराज जोशीलाई ब्युरोमा ल्याइएको छ। नियमित सरुवाको सट्टा काज सरुवा गरिनुलाई प्रहरी अधिकृतले अर्थपूर्ण रूपमा हेरेका छन्।

By: nagariknews

प्रदिप र भुवन चम्किएपछि नेपालद्धारा नामिबिया पराजित

५ भदौ,काठमाडौ । अष्ट्रेलियामा जारी अण्डर-१९ विश्वकपमा नेपालले पहिलो जित हासिल गरेको छ। आज खेलिएको खेलमा नेपालले नेपाललाइ ३९ रनले पराजित गरेको छ।

पहिले ब्याटिङ गर्दे नेपालले २१९ रनको स्कोर खडा गरेको थियो। नेपालको लागी प्रदिप ऐरेले शान्दार ९८ रनको पारी खेलेका थिए भने सुभास खकुरेलले ३५ रनको योगदान दिएका थिए ।

२२० रनको लक्ष्य सहित मैदानमा उत्रिएको नामिवियाको ब्याटिङ शुरुमै चर्मराएपनि स्टेफेन बार्ड र झिबाबो ग्रोनवाल्डले सम्हालेका थिए। उनिहरुले क्रमश ५६ रन ५४ रनको योगदान दिए नेपालले सहजताका साथ जीत हासिल गर्यो ।नेपालको लागी भुवन कार्कीले पाँच लिएका थिए। पाँच विकेट लिने भुवन कार्कीलाई म्यान अफ द म्याच घोषणा गरियो ।

By:nepaliheadlines

झापालीले खाए ५० करोडको मासू १ वर्षमा

ШАБЛОНЫ YOOTHEME
ШАБЛОНЫ НЕДВИЖИМОСТИ JOOMLA

४ भदौ, झापा । झापा जिल्लावासीले एक वर्षमा पचास करोडभन्दा बढी मूल्यको मासु मात्रै खाएको देखिएको छ । 

जिल्लाका पशु बधशाला र विभिन्न जातका पशुका मासु बिक्री गर्ने पसलको तथ्याङ्कका आधारमा गत आवमा ५० करोड ५४ लाख ६६ हजारबराबरको मासु झापालीले खाएका हुन् । जिल्लामा सञ्चालित विभिन्न होटलका साथै कतिपय मासाहारी व्यक्तिले आफ्नो घरमा पकाएर खाने उद्देश्यले मासु खरिद गर्ने गरिएको छ ।    

झापाली उपभोक्ताहरुले सबैभन्दा बढी खशी खाने गरेको देखिन्छ । त्यसपछि क्रमश कुखुरा, सुगुर, बङ्गुर र राँगाको मासु खाएको देखिन्छ । बिक्रीका आधारमा राखिएको तथ्याङ्कबाट त्यस्तो यर्थाथ सार्वजनिक भएको हो । जिल्ला पशुसेवा कार्यालयबाट प्राप्त जानकारीअनुसार गत आवमा जिल्लामा रहेका राँगाको मासु बिक्री गर्ने ३६ वटा पसलबाट करिब रु छ करोड ७० लाख मूल्यबराबरको करिब दुई लाख ९० हजार किलो मासु बिक्री भएको थियो । 

त्यसैगरी ८४ वटा खसीको मासु बिक्री गर्ने पसलबाट करिब रु नौ करोड ९८ लाखबराबरको करिब तीन लाख ४१ हजार किलो मासु बिक्री भएको थियो ।   झापामा बङ्गुरको मासु बिक्री गर्ने ५१ वटा पसलबाट करिब १८ करोड ७४ लाख मूल्यबराबरको करिब आठ लाख ५८ हजार किलो बङ्गुरको मासु बिक्री भएको छ भने जिल्लाका १११ वटा कुखुरा पसलबाट करिब रु छ करोड ७५ लाखबराबरको करिब तीन लाख ८८ हजार किलो मासु बिक्री भएको थियो ।

यसका साथै जिल्लामा रहेका पशु बधशालाको विवरण अनुसार खसी मासु पसल गौरादहमा गत आवमा रु ५२ लाख ११ हजार बराबरको मासु बिक्री भएको थियो भने कृषि उपज बजार सञ्चालक समिति बिर्तामोडको बधशालाबाट रु करिब छ करोड १८ लाखबराबरको मासु बिक्री भएको थियो । त्यसैगरी पशु बधशाला अर्जुनधाराबाट करिब रु ४९ लाख २८ हजारको कारोबार भएको थियो भने मासु पसल शनिश्चरेबाट करिब रु एक करोड १८ लाखबराबरको बिक्री भएको थियो ।

मासुको खपत अत्यधिक भएपछि मासुजन्य वस्तुको उत्पादनमा किसानले पनि जोड दिएका छन् । झापा जिल्लामा चार वर्षको तथ्याङ्क दृष्टिगत गर्दा मासुजन्य वस्तुको उत्पादनमा वृद्धि भएको छ । झापा आव ०६४/०६५ मा बाख्रा, खसी र बोकाको सङ्ख्या करिब २ लाख ३० हजार थियो भने क्रमिक रूपमा बढ्दै आव ०६८/०६९ सम्म करिब दुई लाख ४७ हजार वटा पुगेको छ । त्यसैगरी आव ०६४/०६५मा सुगुर र बङ्गुरको सङ्ख्या ४९ हजार ९४० वटा थियो भने क्रमिक रूपमा बढ्दै आव ०६८/०६९मा ६२ हजार ९१२मा पुगेको छ । सोहीअनुरूप आव ०६४/०६५मा कुखुराको सङ्ख्या करिब पाँच लाख ७६ हजार वटा थियो भने आव ०६८/०६९मा करिब सात लाख ७८ हजार वटामा पुगेको छ । हाँसको सङ्ख्या आव ०६४/०६५मा करिब सात हजार १८४ थियो भने आव ०६८/०६९मा ३० हजार पाँच पुगेको जिल्ला पशुसेवा कार्यालयले जनाएको छ । रासस

By:nepaliheadlines

८ किलो चाँदी सहित एक जना पक्राउ

५ भदौ, बीरगञ्ज । बिरगञ्जको माईस्थान मन्दिर पछाडिबाट प्रहरीले ८ किलो चाँदी सहित एक जनालाई पक्राउ गरेको छ । विर्ताबाट गएका प्रहरीले ना १६ प ३५४६ सिभिजेड मोटरसाइकलको सिट मुनि लुकाइ राखेको चाँदी पक्राउ गरेको छ । पक्राउ पर्नेमा विर्ताको हरिओम साह हुन् भने प्रहरीले जनाएको छ ।   

रक्सौलबाट डिपिएस ज्वेलरीको लागि ल्याएको चाँदी अवैध भएको प्रहरीले बताएको छ । चाँदी ल्याएको मोटरसाएकल भने सुमन सरार्फ रहेको प्ररहीले बताएको छ । 

घटनाबारे थप अनुसन्धान भइरहेको प्रहरीले जनाएको छ । 

बिमान दुर्घटनामा नेपाली विद्यार्थीको मृत्यु

५ भदौ, काठमाडौ । बिमान दुर्घटनामा हराएका नेपाली विद्यार्थी क्षितिज चन्दको मृत्यु भएको पुष्टी भएको छ । फिलिपिन्समा पाइलट कोर्स गर्न गएका चन्द र फिलिपिनो पाइलटको शव विमानको ककपिटमा अड्किएको अवस्थामा फेला परेको अन्र्ताष्ट्रिय संचारमाध्यमहरुले जनाएको छ । 

कोपाइलटका रुपमा रहेका क्षितिज सवार बिमान दुर्घटनामा परी हराइरहेका फिलिपिन्सका गृहमन्त्री जेस रोब्रेडोको शव भने समुन्द्रमा फेला परेको जनाएको छ । 

By: nepaliheadlines

शरीर बाहिर मुटु भएको बच्चा जन्मियो

भदौ, एजेन्सी । भारतको नारायणपुरमा शरीरको बाहिर मुटु भएको एक बच्चाको जन्म भएको छ ।   

पटनाको रेनबो अस्पतालका डाक्टरले उक्त बच्चामा इक्टोपिया कोर्डिसको लक्षण देखिएको जनाएको छ । स्थानीय रिना देवी र राघो भगत सन्तानको रुपमा उक्त बच्चाको जन्म भएको हो । 

उक्त बच्चालाई अप्रेशन गरेर बचाउने कोशिस गरिएको जनाएको छ । डाक्टरहरुले बच्चामा त्यस्तो समस्या कुपोषण, वशंणुगत रोग र फोलिक एसिडको कमीबाट हुने जनाएका छन् ।

तथापी उक्त किसिमको रोगको यकिन तथ्य भने पत्ता नलागेको बताए ।यस्तो किसिमको रोग भएका विरामीका बाँच्ने सम्भावना ज्यादै कम हुने जनाएका छन् ।

By: nepaliheadlines

आत्महत्या गर्न मन नलाग्ने स्प्रे बन्ने...

अमेरिकी आर्मीले इन्डियाना विश्वविद्यालयका मेडिसिन विभागका वैज्ञानिकहरूलाई आत्महत्या गर्न मन नलाग्ने खालको स्प्रे बनाउन करिब २७ करोड नेपाली रूपैया (३ मिलियन डलर) प्रदान गरेको छ । 

अमेरिकामा आत्महत्या गर्ने सैनिकहरुको संख्या बढ्दै गएपछि चिन्तित बनेको अमेरिकी सैनिक मुख्यालयले इन्डियाना विश्वविद्यालयका वैज्ञानिहरूलाई आत्महत्याको विरोधी बनाउन सक्ने खालको स्प्रेको निर्माणका लागी उक्त ठुलो रकम दिएको बताइएको छ । उक्त रकम अमेरिकी सैनिक मुख्यालयले एनाटोमी, सेल बायोलोजी तथा न्यूरोबायोलोजीका प्राध्यापक माइकल कुबेकलाई दिएको छ । कुबेकले अहिले थाइरोट्रोपिन-रिलिजिङ-हर्मोन को बारेमा अध्ययन गरिरहेको बताइएको छ । थाइरोट्रोपिन-रिलिजिङ-हर्मोन भन्नाले मानव मष्तिष्कमा पाइने एक केमिकल जसले मानिसमा तनाव र आत्महत्याको सोचलाई कम गर्न सक्छ । यदी यो केमिकललाई सक्रिय बनाउन सक्ने हो भने मानिसमा तनाव र आत्महत्याको सोचमा कमी आउने बताइएको छ ।

तर कुबेकका अनुसार अमेरिकी सैनिले चाहेजस्तो औषधी इन्जेक्सन या खाएर लिन नमिल्ने बताएका छन् । उनले उक्त औषधीलाई स्प्रेको रूपमा प्रयोग गरिनुपर्ने बताएका छन् । उनले यस्तो स्प्रेको निर्माण गर्नुपर्ने बताएका छन् जसले नियमित रूपमा आवश्यक मात्रामा मात्र औषधी मष्तिष्कसम्म पुर्याउन सकोस् । 

By:-nepaliheadlines

'टाइगर'को दोस्रो भाग

मुम्बई, (एजेन्सी)- 'एक था टाइगर'को सफलताले हौसिएपछि निर्माण कम्पनी यशराज फिल्मसले यसको दोस्रो भाग बनाउने चर्चा चल्न थालेको छ। दोस्रो भागको गृहकार्य सुरु भइसकेको र त्यसमा पनि सलमान खानले नै मुख्य भूमिका निर

्वाह गर्ने निश्चित छ। अहिलेको कथा जहाँ टुंगिन्छ, दोस्रो भागको कथा त्यहीँबाट अघि बढ्नेछ वा अर्कै नयाँ कथा खोजिनेछ, निर्णय भइसकेको छैन।

तर, यशराज फिल्मसले दुइटा नाम दर्ता भने गरिसकेको छ, 'एक है टाइगर' र 'एक रहेगा टाइगर'। यसबाट के बुझिन्छ भने निर्माण कम्पनी दोस्रोमात्र होइन तेस्रो भागको पनि सोचमा छ।

कम्पनी वा निर्देशक कबिर खान, कसैले पनि यसको दोस्रो भागको पुष्टि गरिसकेका छैनन्।

अहिले भने 'एक था टाइगर'ले बक्स अफिसका धेरै रेकर्ड तोड्दैछ। प्रारम्भिक अनुमानअनुसार यसको कारोबार डेढ अर्ब भारु पुग्नेछ। आइतबार एक अर्ब छुने सम्भावना छ। सलमान र क्याटि्रना दुवै बक्स अफिसको रिपोर्टदेखि सन्तुष्ट छन्।

By:nagariknews

घृणा फैलाउने खालका सामाग्री राख्ने २५० वटा वेवसाईट बन्द

५ भदौ, एजेन्सी । भारतले पूर्व क्षेत्रका नागरिकमा घृणा फैलाउने खालका सामाग्री राख्ने २ सय ५० वटा बेवसाईट बन्द गराएको छ भने १०० वटा वेबसाइट माथि प्रतिबन्ध लगाईएको संचारमाध्यमले जनाएको छ । भारतीय सुरक्षा अधिकारीका अनुसार अधिकांश वेबसाईट पाकिस्तानबाट सञ्चालि रहेको दावी गरेको छ । 

 

संचारमाध्यमले जनाएको अनुसार कम्प्युटरबाटै इन्टरनेटमा तयार गरिएका हिंसाजन्य तस्बिर र भिडियो राखेको पाए पछि सुरक्षा निकायले वेबसाइट बन्द गराएको हो ।

 

सामाजिक सञ्जालका साईट चलाउने कम्पनीहरुले पनि उनीहरुको बेवसाईटमा राखिएका हिंसा भड्काउने खालका सामाग्री केही भारतबाटै र केही पाकिस्तानबाट अपलोड गरिएको सरकारी अधिकारीले जनाएको छ ।

 

एमएमएस, एसएमएस र वेबसाईटको माध्यमबाट आक्रमणको हल्ला फैलिएपछि विभिन्न शहरमा बस्दै आएका पूर्वोत्तर क्षेत्रका बासिन्दा पलायन हुन थालेपछि भारतमा तनाव बढेको एजेन्सीले जनाएको छ । 

By: nepaliheadlines

Teej song 2069

• यो तीजमा श्रीमतीलाई राम्री पारिन्छ- Khuman Adhikari And Ramila Neupane's Hey Piyari Teej Geet Music Video 2068
  Khuman Adhikari And Ramila Neupane's Hey Piyari...
• पतिदेबका लागि- Teej Song - Komal Oli ( Pati Deb Ka lagi)
  पतिदेबका लागि- Teej Song - Komal Oli ( Pati Deb...
• हतारैमा बिहा गरियो ला'छ पछुतो- Hatarai ma biha gariyo- Nepali Comedy Teej Song 2012
  हतारैमा बिहा गरियो ला'छ पछुतो- Hatarai ma biha...
• चट्ट रिबन बाट- Nepali Teej Song 2012- CHATTA RIBBON BAATA By Laxmi Neupane
  Nepali Teej Song 2012- CHATTA RIBBON BAATA By...
• मादलुको तालमा- Madalu ko Talma New Nepali Teej Geet 2012
  Madalu ko Talma New Nepali Teej Geet 2012 
• तीज गीत- फूलबुट्टे सारी, सुनबुट्टे पारी- New Teej Song 2012 Phoolbutte saari, sun butte pari- by Sunita Dulala
  फूलबुट्टे सारी, सुनबुट्टे पारी- New Teej Song...
• यसपालीको तीजमा आमा- New Nepali Teej Geet 2012 As Pali Ko Teej Ma Ama
  New Nepali Teej Geet 2012 As Pali Ko Teej Ma Ama...
• हा भन्देउ दिदी जुरेली चरीलाई Teej Song 2069 - Haa Bhandeu Jureli Charilai - Radhika Hamal
  Teej Song 2069 - Haa Bhandeu Didi Jureli...
• तेही नाचेको हेर्नलाई जाने हो- तीज गीत Latest Nepali Teej Geet 2012 Tei Nacheko Herna Lai jane ho
  Latest Nepali Teej Geet 2012 Tei Nacheko Herna...
• तीज आयो दर खाने- Super HIt New Nepali Teej Song 2012/2069 Teej Aayo Dar Khane By Sunita Dulal
  Super HIt New Nepali Teej Song 2012/2069 Teej...
• आज त भेट्न आउँदिन है कालु Aaja ta bhetna aaudina hai kalu- Super hit Nepali Teej Song 2012 By Khuman Adhikar& Ramila Neupane
  आज त भेट्न आउँदिन है कालु Aaja ta bhetna aaudina...
• झन् माथि सार्यो झन् तल झर्छ- हाइ मेरो फरिया New Nepali Teej Song 2012 Hai Mero Fariya By Bishnu Majhi
  New Nepali Teej Song 2012 Hai Mero Fariya, Jhan...
• बुढी त दर खान माइतमा गई- Latest Nepali Teej Song 2012Budi Ta Dar Khana Maitama GaiBy Khuman Adhikar& Ramila Neupane
  Latest Nepali Teej Song 2012 Budi Ta Dar Khana...
• कम्मरै छिनेको- Kammarai Chhineko Latest Nepali Teej Song 2012 By Rajendra Kandel & Radhika Hamal
  Kammarai Chhineko Latest Nepali Teej Song 2012...
• बेदनाको पोको- तीज गीत New Nepali Teej Song - Bedanako Poko by Bima Kumari Dura & Sarala Pandey .
  New Nepali Teej Song - Bedanako Poko by Bima...
• नाचम कि ननाचम भन भन New Nepali Teej Song - Nacham Ki Nanacham Bhana Bhana Bai.
  New Nepali Teej Song - Nacham Ki Nanacham Bhana...
• तीजको रहर आयो बरी लै (पुरानो तीजको गीत) Nepali evergreen teej song- Teej ko rahara aayo bari lai
  Nepali evergreen teej song.... teej ko rahara... 
• हत्तेरिका शिवजी रैछौ बदमास- Hatterika Shiva Ji Raichhau Badmas- Teej Song by Komal Oli
  हत्तेरिका शिवजी रैछौ बदमास- Hatterika Shiva Ji...        
• डिस्कोमा New Teej Song by Komal Oli [HD] Disco Maa Teej Full Song
  New Teej Song by Komal Oli [HD] Disco Maa Teej...
• के छ सुन्तली- Ke Cha SUntali New Nepali Teej Geet 2069 by Jamuna Sanam And Rita K.C
  Ke Cha SUntali New Nepali Teej Geet 2069 by...
• रातो सारी nepali teej geet 2069 teej song 2012 rato sari talkyo kadhaima
  nepali teej geet 2069 teej song 2012 rato sari...
• तीज गीत- फोनैमा गफ गरेको छ Phonai ma Gaf gareko chha- Nepali Teej Song 2069
  Phonai ma Gaf gareko chha- Nepali Teej Song 2069...
• मै राम्री भएको तिम्रै लागि हो- Latest Nepali Teej Song 2012 - 2069 By Anju Panta - Mai Ramri Bhayako Timrai Lagi Ho
  Latest Nepali Teej Song 2012 - 2069 By Anju...
• रातो सारी लाउने हो- Super Hit New Nepali Teej Song 2069 {Rato Sadhi Laune Ho } Teej Special naya teej geet
  Super Hit New Nepali Teej Song 2069 {Rato Sadhi...      
• मेरो हजूर- New Teej Song 2069 by Sunita Dulal - Mero Hajur
  New Teej Song 2069 by Sunita Dulal - Mero Hajur ... 

क्यान सफ्टेक भदौ २८ बाट

काठमाडौं । कम्प्युटर एसोसिएसन अफ नेपाल -क्यान) ले आगामी भदौ २८ देखि ३१ गतेसम्म काठमाडौँमा क्यान सफ्टेक २०१२ आयोजना गर्ने भएको छ ।

त्रिपुरेश्वरस्थित युनाइटेड वल्र्ड ट्रेड सेन्टरको डाइरेक्सन एक्जिविसन एन्ड कन्भेन्सन सेन्टरमा आयोजना गरिने पाँचौ क्यान सफ्टेक संस्करणमा जम्मा ५१ वटा स्टलहरू रहने छ । विश्वविख्यात स्वदेशी तथा विदेशी कम्पनीहरूले भाग लिने क्यान सफ्टेकको टाइटल स्पोन्सर इन्फोडेभलपर्स प्रालि रहेको छ भने पि्रन्ट स्पोन्सर फिनिक्स ट्रेडिङ रहेको छ ।

यस पटकको सफ्टेकमा सफ्टवेयरको क्षेत्रमा शिक्षा, कम्प्युटर सुरक्षा, बैङ्किङ, सूचना व्यवस्थापन, लेखा व्यवस्थापनसँग सम्बन्धित सफ्टवेयर राखिने भएको छ । त्यस्तै नेपाल सरकारका विभिन्न निकायले गरिरहेका सूचना तथा सञ्चार प्रविधिको अभ्याससँग सम्बन्धित गतिविधिको प्रदर्शन पनि क्यान सफ्टेकको मुख्य आकर्षण रहने बताइएको छ ।

गतवर्षको क्यान सफ्टेकमा ४५ हजारको सङ्ख्यामा अवलोकनकर्ता रहेकामा यस पटक ४९ हजारसम्म पुग्ने आयोजकले अनुमान गरेको छ । रासस

By: onlinekhabar

रौतहटमा गोली हानी श्रिमान श्रिमतिको हत्या

रौतहटको अकोल्वामा गोलि प्रहारबाट एक दम्पतिको हत्या

रौतहट, ३० साउन । रौतहटको अकोल्वा गाउं बिकास समितिमा गएराती गोलि प्रहारबाट एक दम्पतिको हत्या भएको छ । १०–१५ जनाको समुहमा आएका हतियारधारी डांकाहरुको समुहले अकोल्वा गाबिस–८ का शेष जफार र उनकी श्रीमती साहना बेगमलाई गोलि हानी हत्या गरेका हुन् ।
जफारको कन्चट र बेगमको घाटीमा गोलि लागेको छ । मृतकका १० जना छोरा छोरी रहेका छन् । हतियारधारीहरुको प्रतिकार गर्ने क्रममा दुई स्थानीय गाउंले घाईते भएका छन् । घटनामा संलग्न रहेको आशंकामा प्रहरीले उनकै दाजु शेष मोबारक र दाजुको साला शेष दिनरलाई पक्राउ गरेको छ ।
पहिलेदेखिनै दाजु भाईको जग्गा बिबाद रहेको र घटना हुने क्रममा कागजपत्र मागेकोले पनि भारतीय अपराधी बोलाएर हत्या गराएको हुन सक्ने अनुमान प्रहरीले गरेको छ ।

By:Avenues @ Khabar

नेपाली नक्कली नोटको कारोबार व्यापक

४७ लाख १९ हजार बराबरको कारोबार

काठमाडौं, श्रावण २९ - नेपाली भूमि भारतीय नक्कली नोट कारोबारीको 'ट्रान्जिट' बनेको आरोप खेपिरहेका बेला नक्कली नेपाली रुपैयाँका कारोबार व्यापक देखिएको छ । प्रहरी प्रधान कार्यालयले उपलब्ध गराएको तथ्यांकले यस्तो देखाएको हो ।

विशेषगरी चाडपर्वका बेलामा यस्ता नोटको कारोबार बढ्ने गरेको प्रहरीले जनाएको छ । प्रहरी प्रधान कार्यालयले उपलब्ध गराएको तथ्यांकअनुसार पछिल्ला ६ वर्षमा झन्डै आधा करोड नक्कली नेपाली रुपैयाँ बरामद भएका छन् । २०६३ सालदेखि अहिलेसम्म ४७ लाख १९ हजार ७ सय २० रुपैयाँ नक्कली नोट बरामद भएको प्रहरी तथ्यांकमा छ । त्यस्ता करिब ३ दर्जन कारोबारी प्रहरी नियन्त्रणमा आएका छन् ।

प्रहरी प्रवक्ता डीआईजी विनोद सिंहले भारतीय नोटको तुलनामा नेपाली नक्कली नोट कमै मात्रामा बरामद हुने बताए । उनका अनुुसार तराईका जिल्लामा नेपाली नक्कली नोटको बिगबिगी छ । 'अझ चाडपर्वका बेलामा नक्कली रुपैयाँ बढी भेटिन्छ,' डीआईजी सिंहले भने 'चाडबाडमा सामान खरिद बिक्री बढी हुने भएकाले त्यसको मौका छोप्दै कारोबारीले बजारमा त्यस्ता नोट निकाल्छन् ।' प्रहरीका अनुसार फाट्टफुट्ट रूपमा भेटिने नोट कलर फोटोकपी मेसिनमा पि्रन्ट गरेर तयार पारिएको देखिन्छ । अलि ठूलै मात्रामा भेटिने नोट भने छिमेकी मुलुकमा बनाएर नेपालमा ल्याइने गरेको प्रहरीको भनाइ छ । 'नेपालीले नै पि्रन्ट गराएर नेपाली बजारमा भित्र्याएको पाइएको छ,' डीआईजी सिंहले भने ।

संगठित रूपमा कारोबार गरेर नेपालको अर्थतन्त्रलाई असर पार्ने उद्देश्य नभई व्यक्तिगत  फाइदाका लागि कारोबार गर्ने गरेको प्रहरी बताउँछ । प्रहरीका अनुसार नक्कली नोट सबैभन्दा बढी काठमाडौंमा बरामद भएका छन् । खुला सिमानाको फाइदा उठाएर तराईका जिल्ला हुँदै मुख्य व्यापारिक केन्द्र काठमाडौंमा नोट भित्र्याइएको प्रहरीको भनाइ छ । नोट पूर्वी पहाडी  जिल्ला पाँचथरदेखि कास्की, गोरखा, बागलुङ लगायतका पहाडी जिल्लामा समेत भेटिएका छन् । 'नक्कली र सक्कली नोट थाहा पाउन सर्वसाधारणलाई गाह्रो हुन्छ,' डीआईजी सिंहले भने, 'त्यस्तो बेलामा सर्वसाधारण धेरै मात्रामा ठगिन सक्छन् ।'

प्रहरीले २०६६ कात्तिक २० गते काठमाडौंको माछापोखरीबाट सबैभन्दा बढी १३ लाख ३४ हजार नक्कली नेपाली रुपैयाँ बरामद गरेको थियो । काठमाडौंकै कविता बर्मा साखबाट नेपालीसहित २७ लाख ३२ हजार ५ सय भारतीय नक्कली रुपैयाँसमेत बरामद भएको थियो । यस्तै २०६६ जेठ ४ गते काठमाडौंकै तीनकुनेबाट रविमान श्रेष्ठ ६ लाख ५५ हजार नेपाली नक्कली रुपैयाँसहित पक्राउ परेका थिए ।

 

 स्रोत ः ईकान्तिपुर.कम

भारतको विहारमा नेपाली तिर्थयात्री चढेको बस दुर्घटना

८ जनाको मृत्यु ३२ घाइते

 

२९ साउन, काठमाण्डौं । नेपाली तिर्थयात्री चढेको बस भारतको विहारमा दुर्घटना हुँदा ८ जनाको मृत्यु भएको छ । ३२ जना घाईते भएका छन् । तिर्थयात्रु बोकेको बस भारत विहारको सीतामढी नजिक सुरसण्डमा दुर्घटना भएको हो । बसमा रहेका तिथयात्री जनकपुरका रहेको भएपनि घटनाको विस्तृत विवरण आउन बाँकी रहेको छ ।

स्रोत ः अनलाईनखबर.कम

व्यवसायीको आन्दोलनले ग्याँसको अभाव

By: onlinekhabar

२६ साउन, काठमाण्डौं । ग्याँस व्यवसायीहरुको आन्दोलनका कारण देशभर ग्याँसको माग बढ्न थालेको छ । व्यवसायीहरुले १६ सुत्रिय माग राखेर ग्याँसको विक्रिवितरण रोक्ने चेतावनी दिएपछि ग्यासको माग बढेको हो ।

अहिले दैनिक २५ प्रतिशतका दरले ग्यासको माग बढेको ग्याँस विक्रेता महासंघका महासचिब महेश्वरप्रसाद श्रेष्ठले जानकारी दिनुभयो । यसैविच सरकारले अत्याबश्यक बस्तु ग्याँसमा गरिएको आन्दोलनका कार्यक्रम फिर्ता नलिए ऐनअनुसार कारवाही गर्ने चेतावनी दिएको छ । अत्यावश्य ऐन कार्यान्वयन गर्न गृह मन्त्रालयले प्रक्रिया थालिसकेको छ । उपभोक्ताको दैनिक जीवनमा प्रत्यक्ष असर पुग्ने गरी कुनै पनि गतिविध भएमा त्यसलाई नियन्त्रण गर्न ऐन लागु गर्न लागिएको हो ।

पहिरोले ५ सय रोपनी जमिन बगायो

नुवाकोट, २६ साउन । अविरल बर्षासँगै गएको पहिरोले नुवाकोटको साल्मे गाँउ विकास समितिमा पाँचसय रोपनी खेतीयोग्य जमीन बगाएको छ । साल्मे गाविसको वडा नम्बर ३ र ४ मा रहेको तर्सिङ खोलामा आएको बाढीका कारण पहिरो गएको हो ।

पहिरोले तीन सय घरधुरीलाई आवतजावतमा कठिनाई हुनुका साथै पाँचसय रोपनी खेतबारी बगाएको साल्मे माध्यामिक विद्यालयका शिक्षक बिरेन्द्र तामाङले जानकारी दिनुभएको छ । सोही स्थानमा सातबर्ष अगाडी पनि पहिरो गएकोमा यसपटक पनि दोहोरिएको उहाँले बताउनुभएको छ ।

बार एसोसिएसन नवलपरासीको ताला खुल्यो

By: onlinekhabar

२६ साउन, नवलपरासी । नेपाल बार एसोसिएसन नवलपरासी शाखामा लगाएको ताला आजदेखि खुल्ने भएको छ । बारको नेतृत्व र आन्दोलनरत पक्षबीच भएको वार्ता आन्दोलनरत पक्षका माग सम्बोधन गर्ने सहमति भएपछि आजबाट ताला खुलाउने सहमति भएको हो ।

प्रजातान्त्रिक कानुन व्यवसायी सङ्गठनमा आबद्ध वकिलहरुले सात सूत्रीय माग राख्दै तीन सातादेखि उक्त शाखामा ताला लगाएका थिए ।

वार्तामा व्यावसायिक वकिलहरुलाई सदस्यता प्रदान गर्ने, समयमा नै बार साधारणसभा गर्ने र आर्थिक पारदर्शिता गर्ने सहमति भएको प्रजातान्त्रिक कानुन व्यवसायी सङ्गठनका अध्यक्ष नसरुल्लाह अन्सारीले जानकारी दिनुभयो ।

यसअघि बारको नेतृत्व पक्षले एकलौटी निर्णय गरेको, आर्थिक पारदर्शिता नगरेको, समयमा साधारणसभा नगरेको, सदस्यता वितरण प्रभावकारी नभएकोलगायतका सात सूत्रीय माग राख्दै वकिलहरुले तालाबन्दी गरेका थिए ।

पत्रकार, प्रशासन र प्रहरीवीचको सहकार्यमा जोड

By: onlinekhabar 

२६ साउन,इटहरी । पत्रकार, प्रशासन र प्रहरीवीचको सहकार्यले नै अपराधलाई नियन्त्रण गर्न सक्नेमा पूर्वान्चलका सुरक्षा, प्रशासन प्रमुख र पत्रकार अगुवाहरुले जोड दिएका छन् । रिपोर्टर्स क्लब नेपाल सुनसरी शाखाले आयोजना गरेको सुरक्षित पत्रकारिता, सुरक्षा अंगको दायित्व जवाफेहिता र सहकार्य विषयक अन्र्तक्रियामामा सहभागीहरुले त्यस्तो जोड दिएका हुन ।

कार्यक्रममा पूर्वान्चल क्षेत्रीय प्रशासकबाट हालै बन सचिवमा सरुवा भएका कृष्णचन्द्र पौडेलले अन्र्तक्रियाको उद्घाटन गर्दै प्रशासन र पत्रकारिता क्षेत्र मिलेर अगाडि बढे सबै खालका विकृतिहरुको सहज अन्त्य हुने बताए । उनले मुलुकमा राजनीतिक पत्रकारिता धेरै भएको भन्दै अब ग्रामिण, विकास, आर्थिक पत्रकारिताको माध्यमबाट मुलुकको परिवर्तनमा भूमिका खेल्नु पर्ने धारणा रोख ।

पूर्वान्चल क्षेत्रीय प्रहरी प्रमुख डिआईजी सुरेन्द्रबहादुर शाहले पूर्वान्चलको प्रहरी पत्रकारसागको सहकार्यमा अगाडि बढिरहेकेा भन्दै आफ्नो कार्यकालमा अनैतिक गर्ने २१० जना प्रहरीमाथि कारवाही समेत गरेको बताए । उनले पत्रकार माथि आक्रमण गर्नेलाई कुनै पनि हालतमा उन्मुक्त हुन नदिने प्रतिबद्धता ब्यक्त गर्दे पत्रकार र प्रहरीवीच नङ र मासुको सम्बन्ध भएको बताए ।

सुनसरीका प्रमुख जिल्ला अधिकारी लक्ष्मणबहादुर थापाले मिस कम्यूनिकेशनले गर्दा अहिलेसम्म पत्रकार र प्रशासन क्षेत्रमा अन्यौलता देखिएको भन्दै आफुहरु पत्रकारसागको सहकार्यमा अगाडि बढ्न तयार भएको बताए । अन्र्तक्रियामा पत्रकार विजय मिश्रले पत्रकार सुरक्षा सम्बन्धी कार्यपत्र प्रस्तुत गरेका थिए । त्यसैगरी कार्यक्रममा पत्रकारमहासंघ क्षेत्रीय प्रतिनिधि मोहन काजी न्यौपाने, सुनसरीका अध्यक्ष केशब घिमिरे, धनकुटाको अध्यक्ष मोहन बान्तवा, सप्तरीका अध्यक्ष धिरेन्द्र साहले पनि पत्रकारको सुरक्षा अवस्थाको विषयमा जानकारी दिएका थिए ।

जिपमा भेटिएको बम नेपाली सेनाद्धारा डिस्पोजल

By: onlinekhabar

निमु संगम घर्ती

२६ साउन, दाङ । दाङको घोराहीमा शुक्रवार बिहान भेटिएको बमलाई नेपाली सेनाले निष्कृय पारेको छ । घोराहीमा रहेको वेष्टर्न डेभलपमेन्ट बैँकको बा ८ च ७५६७ नम्बरको जिपमा झुण्ड्याइएको अबस्थामा भेटिएको बमलाई नेपाली सेनाले कटुवाखोलामा लगेर डिस्पोज गरेको हो ।

बैंकका कार्यकारी प्रमुख कमलबहादुर केसीको घर अगाडि पाकिर्ङ गरेर राखिएको उक्त जिपको अघिल्लो भागमा हृयाण्ड गि्रनेट बम भेटिएको हो । बमलाई नेपाली सेनाको तुलसीपुरबाट आएको बम डिस्पोजल टोलीले निष्कृय पारेको जिल्ला प्रहरी कार्यालय दाङले जानकारी दिएको छ ।

बम कसले र किन राखेको हो भन्ने बारेमा अहिलेसम्म केही खुल्न सकेको छैन् । विहीवारमात्रै देउखरीको चैलाही-३, देउपुरको अर्जुन खोला किनारमा दुईवटा बम फेला पारेको थियो ।

नेपाल टेलिकमको थ्रीजी सिमकार्ड तीन सय रुपैयाँमा

स्थापनाको आठौं वार्षिकोत्सवको अवसरमा नेपाल टेलिकमले विभिन्न सेवाहरुको महशुल दरमा छुट, नयाँ महशुल निर्धारण, महशुल दर परिमार्जन एवंजरिवाना मिनाहा लगायतका योजना सार्वजनिक गरेको छ ।टेलिकमले भिडियो कुराकानी गर्न सकिने थ्रीजी प्रिपेड सिमकार्ड तीन सय रुपैयाँमा नै प्राप्त गर्न सकिने जनाएको छ। पहिले एक हजार पाँच सय रुपैयाँको थ्रीजी सिमकार्डलाई तीन सय रुपैयाँमा नै उपलब्ध गराउने घोषणा गरिएको छ। यस्तै सिडिएमएबाटउच्च गतिमा चलाउन सकिने इन्टरनेट सेवाको शूल्क दुई हजार पाँच सयबाट घटाएर तीन सय रुपैयाँमा नै दिने प्रबन्ध निर्देशक अमरनाथ सिंहले जानकारी दिनुभयो।

बाबुराम सरकारप्रति भारत पनि असन्तुष्टः ओली

कांग्रेस एमालेको आन्दोलनमा भारतले सघाउने दावी

१९ साउन, काठमाडौं । एक हप्तासम्म भारतीय नेताहरुलाई भेटेर फर्किएका नेकपा एमाले नेता केपी शर्मा ओलीले बाबुराम सरकारप्रति भारत पनि असन्तुष्ट रहेको दावी गर्नु भएको छ ।

शुक्रबार त्रिभुवन अन्तराष्ट्रिय विमानस्थलमा सञ्चारकर्मीहरुसँग कुरा गर्दै नेता ओलीले सरकारको गतिविधिले भारतीय नेताहरु ‘निराश’ र ‘लज्जित’ रहेको दावी गर्नुभयो । उहाँहरुले कूटनीतिक मर्यादाका हिसाबले पनि धेरै केही भन्नुहुन्न’ नेता ओलीले भन्नुभयो-’तर, मैले बडि ल्याङ्गोइज भन्छन् नि त्यसबाट बुझ्दा सबैले लाज मानेका छन् डा. भट्टराई र उहाँका गतिविधि देख्दा ।’

एमाले नेता ओलीले बाबुराम सरकार हटाउन कांग्रेस-एमालेसहितका दलहरुले गर्ने आन्दोलनप्रति भारतको समर्थन रहने समेत दावी गर्नुभयो । ‘शान्तिको पक्षमा, लोकतन्त्रको पक्षमा, समाजिक न्यायको पक्षमा भारतीय समर्थन पहिले पनि थियो, अहिले पनि रहन्छ’ उहाँले भन्नुभयो-’लोकतन्त्रको निम्ति जुन आन्दोलन हुन्छ, त्यसमा सबैको पनि विरोध रहँदैन ।’

नेता ओलीले सरकारले प्रतिपक्षी दलहरुसँग वार्ता गर्न टोली गठन गर्नुलाई ‘नक्कली काम’ भन्नुभयो । तानाशाहहरुले आफ्नो सत्ता टिकाई राख्न यस्तै प्रयास गर्ने भन्दै ओलीले भन्नुभयो-’त्यस्ता नक्कली छलफलहरुको कुनै अर्थ छैन, फागुनतिर पुगेपछि उहाँले फेरि छलफल गर्नुहुन्छ । दुनियाँका तानाशाहहरुको त्यही बाटो हो ।’ भारतीय नेताहरुसँगको भेटमा सरकारविरुद्ध कांग्रेस-एमालेले थालेको आन्दोलन तथा सरकारले घोषणा गरेको चुनावमा सहभागी नहुने जानकारी गराएको उहाँले बताउनुभयो।

स्वास्थ्य उपचारका लागि भन्दै दिल्ली गएका नेता ओलीले राष्ट्रपति प्रणब मुखर्जीका साथै अधिकांश बिपक्षी गठवन्धनका नेताहरुलाई भेट्नुभएको थियो ।

स्रोतका अनुसार भेटमा ओलीले भारतको संस्थापन पक्षले माओवादी र मधेसवादी जस्ता अतिबादी दललाई काखी च्यापेर गलत गरेको भन्दै नीति सच्चाउन अनुरोध गर्नुभएको थियो । कांग्रेस एमाले लगायतका पुराना दललाई बेवास्ता गरि अगाडी बढ्दा समस्या समाधान नहुने भन्दै बाबुराम सरकारलाई हटाएर नयाँ राजनीतिक प्रकृया थाल्न ओलीले भारतीय नेताहरुलाई आग्रह गरेको बताइएको छ ।

पोशाक नलगाउने कर्मचारीलाई कार्यालय प्रवेश गर्न नदिनुः अख्तियार

२२ साउन, काठमाडौं । अख्तियार दुरुपयोग अनुसन्धान आयोगले सरकारी पोशाक नलगाउने कर्मचारीलाई कार्यालय प्रवेशमा रोक लगाउन सरकारलार्इ निर्देशन दिएको छ ।

आयोगले सोमबार मुख्यसचिव लिलामणि पौडेलसहितका सम्वन्धित निकायलाई पत्र लेखी सरकारी पोशाक अनिवार्य गर्न र नलगाउने कर्मचारीलाई कार्यालय प्रवेशमा रोक लगाई जिम्मेबारी नदिनेसम्मको कारवाही गर्न निर्देशन दिएको छ । ‘सेवाग्राहीबाट गुनासो आएपछि सरकारी पोशाक अनिवार्य गर्न निर्देशन दिइएको हो’ आयोगका प्रवक्ता इश्वरी पौडेलले अनलानखबरसँग भन्नुभयो- पोसक भत्ता लिने तर नलगाउनेलाई कार्यालय प्रवेशमा रोक लगाई जिम्मेबारी नदिनेसम्मको कारवाही गर्न भनिएको छ ।’

अख्तियारले पोशाक लगाए नलगाएको अनुगनको व्यवस्था गर्न र आचारसंहित बनाउन पनि सरकारलाई निर्देशन दिएको छ ।

अख्तियारले कर्मचारीहरुले विभिन्न बहाना बनाएर कार्यालय छाड्ने गरेकोप्रति पनि ध्यानाकर्षण गराएको छ । अनेक बहाना बनाई कर्मचारीहरुले कार्यालय छाड्ने प्रवृत्ति बढेकाले सवाग्राही मारमा परेको अख्तियारद्धारा जारी विज्ञप्तीमा उल्लेख छ ।

By:-onlinekhabar.com

टेलिकमले एनसेलमा ‘कल फरवार्ड’ रोक्यो 'माइ न्यू नम्बर' योजना अलपत्र

२३ साउन, काठमाण्डौ । एनसेलले प्रतिस्पर्धी दूरसञ्चार कम्पनीका ग्राहक तान्ने अभियान थालेपछि नेपाल टेलिकमले एनसेलका लागि कल फरवार्ड सुविधा काटेको छ ।

टेलिकम स्रोतका अनुसार एनसेलले टेलिकमका पोष्टपेड तथा प्रिपेड मोबाइल प्रयोगकर्ताको नम्बरसँग मिल्ने नम्बर दिने एनसेलको ‘माइ न्यू नम्बर’ योजनाका लागि एनसेलले कलफरवार्ड सुविधाको दुरुपयोग गरेपछि टेलिकमले आफ्नो नेटवर्कका मोबाइलबाट एनसेलमा कल फरवार्ड सुविधा बन्द गरेको हो । ‘केहि समयका लागि रोकिएको हो, दूरसञ्चार प्राधिकरणसँगको छलफलपछि खुल्न सक्छ’ टेलिकम स्रोतले भन्यो ।

एनसेलले प्रतिस्पर्धी कम्पनीका ग्राहकलाई आफ्नो नेटवर्कमा आकषिर्त गर्न ‘एनसेल प्रो’ योजनामा विभिन्न सुविधा दिँदै आएको छ । टेलिकमबाट एनसेलको नेटवर्कमा सर्न चाहनेले चलाइरहेको टेलिकमको नम्बर एनसेलममा जानकारी गराएपछि एनसेलको त्यही नम्बर दिने गरेको छ ।

टेलिकमको मोबाइलबाट एनसेलमा कल फरवार्ड गरेपछि एनसेलले उक्त नम्बरमा फोन गर्नेजति सबैलाई सम्बन्धित व्यक्तिको नम्बर परिवर्तन भएको भनेर एनसेलको नम्बर दिने र टेलिकमको मोबाइलमा भने फलानो नम्बरबाट कल गर्ने प्रयास भएको थियो भन्ने सन्देश दिने गरेको थियो ।

टेलिकमका ग्राहकलाई एनसेलले तान्न खोजेपछि टेलिकमले एनसेलमा कल फरवार्ड रोकेपछि यो योजना अहिले रोकिएको एनसेलले जनाएको छ । एनसेलकी कर्पोरेट कम्युनिकेसन म्यानेजर सञ्जु कोइरालाले भनिन्, ‘नेपाल टेलिकमले यस योजनामा आपत्ति जनाएपछि हामीले यसको प्रमोसन नै रोकिरहेका छौं ।’

यस विषयलाई लिएर नेपाल टेलिकम नियामक नेपाल दूरसञ्चार प्राधिकरणमा जाने भएको छ । नेपाल टेलिकमका प्रवक्ता सुरेन्द्र प्रसाद थिकेले त्यसखालको गतिविधि भएपछि टेलिकम प्राधिकरण जान लागेको जानकारी दिए । एनसेलले गलत प्रतिस्पर्धात्मक गतिविधि गरे टेलिकमले पनि त्यसै अनुसारको रणनीति बनाउने बताए ।

ढुंगा र लाठिको प्रहार

पोखरा, श्रावण २३ - युवा संघका कार्यकर्ताको कुटाईवाट मंगलवार पोखराको न्यूरोडमा दुई युवक गम्भीर घाईते बनेका छन । करिव दुई दर्जनको समुहमा रहेका बन्दकर्ताको कुटाईवाट तनहुँ बन्दिपुरका लेखवहादुर गुरुङ्ग र धादिङ ज्याम्मु ७ का राजु वयलकोटी घाइते बनेका हुन । बन्दकर्ताले विद्यार्थी चढेको सवारीलाई अभद्र ब्यबहार गरिरहँदा त्यसो नगर्न अनुरोध गरेपछि उनीहरुले आफुहरुलाई कुटपीट गरेका घाइते लेखवहादुरले बताए ।                      

ढुंगा र लाठिको प्रहारवाट टाउको र शरीरको विभिन्न भागमा चोट लागेका घाईतेहरुको सिर्जनाचोकस्थित मेट्रोसिटी अस्पतालमा उपचार भईरहेको छ ।

 आज मुलुकभर चार घन्टे चक्काजाम

प्रधानमन्त्री बाबुराम भट्टराईको राजीनामाको माग गर्दै एमालको युवा संघले आह्वान गरेको देशव्यापी चक्काजामका कारण राजधानी काठमाडौं लगायत मुलुकभरको जनजीवन प्रभावित भएको छ । संघले मंगलबार बिहान ६ बजेदेखि १० बजेसम्म ४ घण्टाका लागि देशभर चक्काजाम आह्वान गरेको छ । १० बजेपछि यातायात संचालन भएपछि जनजीवन सामान्य बनेको छ ।

यसअघि आइतबार र सोमबार उक्त समयमा राजधानीमा मात्र चक्काजाम गरिएको थियो । चक्काजामका कारण राजधानीका सडकमा सवारी साधन कुदेको छैन ।

दाङमा यातायातका साधन, शैक्षिक संस्था, उद्योग धन्दा र बजार बन्द रहेका छन् । भोलि विहान पनि ६ देखि १० बजेसम्म बन्दको कार्यक्रम रहेको युवा संघका केन्द्रीय सदस्य मनोहर बुढाथोकीले जानकारी दिए ।

पृथ्वी राजमार्गमा बस दुर्घट्ना, ११ को मृत्यू

गोरखा, श्रावण २३ - बुटबलबाट काठमाण्डौंका लागि हिडेको यात्रुबाहक बस मंगलबार बिहान पृथ्वी राजमार्गको भुमेस्थान गाविस ६ कमेरेडाँडामा दुर्घट्ना हुँदा ११ जनाको मृत्यू भएको छ ।

बैरेनी प्रहरी चौकीका ईन्चार्ज पदम थापाका अनुसार दुर्घट्नामा १० जनाको घट्नास्थलमै र १ को उपचारका लागि काठमाण्डौ‌ लैजादैं गर्दा मृत्यू भएको हो । मृत्यू हुनेमा ९ पुरुष  र २ महिला छन् । मृत्यू भएका केहीको मात्र सनाखत भएको छ ।

दुर्घट्नामा २६ यात्रु घाइते भएका छन् । घाइतेको काठमाण्डौंस्थित शहिद ममोरियल र स्टार अस्पतालमा उपचार भईरहेको छ । 'उपचार गराईरहेका केहीको अबस्था गम्भिर छ' उद्धारका लागि खटिएका थापाले भने । लु १ ख ७०५१ नम्वरको यात्रुबाहक बस बिहान ४ बजे दुर्घट्ना भएको हो । बस राजमार्गबाट २ सय मिटर तल महेश खोलामा खसेको छ । दुर्घट्नाको कारण खुल्न नसकेको प्रहरी नायब निरिक्षक थापाले बताए ।

पहिचान खुलेको मृतकहरुको नाम

१ बलराम चौधरी- कोपुवा ४, कपिलबस्तु

२ मोहन नगरकोटी- रुद्रपुर २, रुपेन्देही

३ पार्वती घतीमगर- तम्घास ३, गुल्मी

४ फडिन्द्र सुवेदी- मानपकडी ४, रुपन्देही

५ शुशिला घतीमगर- बुटबल

६ रञ्जन थापा- पोखरा ६, कास्की

७ शेर बहादुर थापा- बुटवल १५, भैरहबा

By:ekantipur.com

टिप्परले मोटरसाइकल र जिपलाइ ठक्कर दिंदा ३ को मृत्यू

सुनसरी, श्रावण २३ - पूर्व पश्चिम राजमार्ग अन्तर्गत इनरुवाको सखुवा गाछी चोकमा सवा १२ बजे भएको सवारी दुर्घट्नामा ३ को मृत्यू भएको छ । ४ जना गम्भीर छन् ।

पश्चिमबाट पूर्वतर्फ गइरहेको ना.४.ख १४३ नम्बरको टिप्परले सखुवागाछी ट्राफिक बिट अगाडि विपरीत दिशाबाट आइरहेको बा.१६.प ५१४८ नम्बरको मोटरसाइकललाई ठक्कर दिएपछि मोटरसाइकलमा सवार १ को मृत्यू भएको छ ।

सोही टिप्पर मोटरसाइकललाई ठक्कर दिएपछि अनियन्त्रत हुँदा ५० मिटर अगाडि गएर पूर्वबाट पश्चिम तर्फ आइरहेकेा ६६-१-१७०९ नम्बरको संयुक्त राष्ट्र संघीय विकास कार्यक्रम युनडीपीको गाडीमा ठोक्किएको थियो । उक्त जिपमा सवार ५ जना मध्ये २ जनाको निधन भएको छ ।

मृतकहरुमा विजय शर्मा विराटनगर ३, बुद्धमल जैन भारतीय नागरिक र एकजनाको नाम नखुलेको प्रहरीले जनाएको छ । घाइतेहरुको सुनसरी जिल्ला अस्पतालमा उपचार भइरहेको छ । घट्नापछि इनरुवा खण्ड अवरुद्ध छ ।

 By:-ekantipur.com

एउटाको पासपोर्टमा अर्कैको फोटो

काठमाडौ, श्रावण २३ - विदेश जान एक ब्यक्तिले दिएको पासपोर्टमा अर्कै ब्यक्तिको फोटो टाँसेको भेटिएको छ । कतार जान रामकुमार स्मालीले दिएको सक्कली पासर्पोटमा मेनपावरले अर्कैको फोटो टाँसेको भेटिएको हो । स्लामीले पासर्पोट सिंनामङगलको एबी इम्प्लोयमेन्ट सोलुसन प्रालीमा बुझाएका थिए । लामो समय सम्म भिषा नआएको र पासर्पोट फिर्ता नपाएपछि प्रहरीमा जाहेरी दिएका थिए । महानगरीय प्रहरी अपराध महाशाखाले मेनपावरका निर्देशक काशिराम कोइराला र यस्लामीको राहदानी लिने हर्कबहादुर बलम्पाकीलाई पक्राउ गरेको छ ।

By: ekantipur.com

पोलिथिन झोला प्रयोगबाट नकारात्मक असर

रौतहट, 23 साउन । पोलिथिनको झोला प्रयोगबाट बाताबरणमा असर पर्छ भन्ने कुराको ज्ञान नभएका कारण रौतहटका अधिकांस बजारमा यसको प्रयोग बढ्दै जान थालेको छ । 

तरकारी खरिद देखी कपडा खरिद गर्दासम्म स्थानीय पसलेहरुले दिने पोलिथिनका झोला गाँउघरमा यत्रतत्र फाल्ने गरिएका कारण कारण बाताबरणमा मात्र असर नभएर खेतीयोग्य उर्बरा जमिनमा समेत खाद्यान्य कम मात्रामा उत्पादन हुने गरेको जिल्ला कृषी कार्यालय रौतहटका बालिबिकाश अधिकृत

रामसेवक ठाकुरले बताउनु भयो । अधुनिकीकरणले ल्याएको प्लास्टीकका समानहरु प्रयोग गर्दा जती सहज छ, त्यसको उचित ब्यवस्थानमा सानो कमजोरी हुने गरेका कारण रौतहट जिल्लाका सयौं बिगाह खेतीयोग्य जमिनलाई असर गरेको गरिरहेको छ । प्लास्टीकको बढ्दो प्रयोग र प्रयोगपछि जथाभाबि फ्याक्ने प्रबृतीका कारण रौतहट जिल्लामा केही बर्ष मै बिकराल समस्या आउने खतरा बढ्दै गएको छ । जथाभाबि फालिएका प्लास्टीकजन्य बस्तुहरु बर्षायाममा बगेर खेतबारीमा पुग्छन् । माटो मुनी पुरिने र प्लास्टिक नकुहिने बस्तु भएका कारण अन्नबाली उत्पादनमा असर पर्ने गरेको बालि बिकाश अधिकृत ठाकुरको भनाई रहेको छ । पोलिथिनको बिकल्पका रुपमा ग्राहकहरु आफैले कागजको व्याग या कपडाको झोला लिएर मात्र बजारमा समान खरिदका लागि जानु पर्छ भन्ने कुराको ज्ञान नभएका कारण रौतहटका अधिकाँस बजारमा ग्राहकहरु समान खरिदका लागि खाली हात गएर पोलिथिनको झोलामा सामान ल्याउने गरेका

छन् ।.........

जनज्योतिको क्याम्पस सभा भदौ २३ मा

रौतहट, २३ साउन । रौतहट जिल्लाको चन्द्रनिगाहपुरमा रहेको जनज्योति बहुमुखीमा विधार्थीहरुले गर्दै आएको आन्दोलन सहमतिमा स्थगित भएको छ । क्याम्पस व्यवस्थापन र आन्दोलनरत अनेरास्ववियु, नेवि संघ र अखिल क्रान्तिकारीका प्रतिनिधिबीच भएको वार्ता भदौ २३ गते क्याम्पस सभा गर्ने निर्णय भएपछि आन्दोलन स्थगित भएको हो । 

क्याम्पस सभाको माग गर्दै विधार्थी संगठनहरुले क्याम्पस प्रमुखको कार्यकक्ष र प्रशासन शाखामा तालाबन्दी सहित चरणबद्ध आन्दोलन गरिंदै आएको थियो।

बाढीले रौतहटमा १८ घर डुबायो

रौतहट, साउन १९ – स्थानीय लालबकैया खोलाको बाढी गाउँ पसेपछि रौतहटको कटहरिया गाविस हर्साहा टोलको १८ घर डुबानमा परेको छ । घरभित्र समेत तीन फिटसम्म पानी जमेको स्थानीयबासिन्दाले बताएका छन् ।

इलाका प्रहरी कार्यालय गरुडाका अनुसार खोलाको बाढीले अजिज मियाँ, ऐनुल अन्सारी, इम्ताजुल अन्सारी, अतिउल देवान, नागेन्द्र यादव, विमल दास,विभू दास, अयूब अन्सारी, लक्ष्मी यादव, काशीम महम्मद,मोलाजिम राय, बन्नु मियाँ, मोबारक मियाँ, नागेश्व साह, रामकिशुन चौरसिया,शिवलाल दास, अनुठा यादवसहित १८ जनाको घर डुबानमा परेको छ ।

उनीहरुले प्राथमिक विद्यालय कटहरियामा संरक्षण लिइरहेका छन् । रातभरी पहाडी क्षेत्रमा भएको वर्षात्का कारण लालबकैया खोलामा आएको बाढी शुक्रवार बिहान तीन बजेदेखि बस्तीमा पसेको हो । बाढीका कारण सयौं बिघामा लगाइएको उखु खेती पनि डुबानमा परेको छ ।

खाद्यान्न सामाग्री घरमै छोडेर चौपाया र लत्ताकपडा लिएर छिमेकको टछोलमा आश्रय लिनुपर्ने बाध्यता रहेको स्थानीय देवेन्द्र यादवले बताउनुभयो । जिल्ला प्रहरी कार्यालय रौतहटका प्रहरी नायब उपरिक्षक चक्रबहादुर सिंहका अनुसार उद्दारका लागि स्थानीय प्रहरी चोकीको टोली घटनास्थलमा खटाइएको छ ।