जिपको ठक्करबाट मोटरसाइकल चालकको मृत्यु

चितवन (रत्ननगर), भदौ ५ - चितवनको भण्डारास्थित पूर्वपश्चिम राजमार्गमा गएराति भएको सवारी दुर्घटनामा परी एकजनाको मृत्यु भएको छ।

नारायणगढबाट हेटौँडातर्फ गइरहेको ना२च ३५०७ नम्बरको जिप र विपरीत दिशाबाट आइरहेको बा४४प ६७४० नम्बरको मोटरसाइकल एक आपसमा ठक्कर खाँदा मोटरसाइकल चालक रत्ननगर- ८ निपानीचोक निवासी ३५ वर्षीय रामचन्द्र पौडेलको मृत्यु भएको हो।

जिप चालक फरार रहेकाले निजको खोजी कार्य भइरहेको प्रहरीले जनाएको छ। जिप भने प्रहरीले नियन्त्रणमा लिइएको छ। रासस

By: nagariknews